Veseli: Serbia do të përgjigjet për vrasjen e vëllezërve Bytyqi dhe gjenocidin e kryer në Kosovë

Kryetari i Kuvendit të Kosovës, Kadri Veseli ka thënë se kriminelët serb do të përgjigjen para drejtësisë për gjenocidin e kryer në Kosovë.

Në 20 vjetorin e vrasjes së vëllezërve Bytyqi,  Veseli ka shkruar në faqen e tij në Facebook se ata u vranë pabesisht nga kriminelët serbë.

“Ylli, Agroni dhe Mehmeti, tre vëllezërit Bytyqi, lanë jetën e qetë në Amerikë dhe dëgjuan thirrjen e atdheut për çlirim. Sot bëhen 20 vjet nga dita kur ata u vranë pabesisht nga kriminelët e regjimit të atëhershëm serb. Drejtësia për këta trima dhe për mijëra viktima të gjenocidit serb në Kosovë kurrë nuk do të mund të shmanget. Ajo ka për t’u vendosur gjithsesi. Lavdi heroizmit të vellezërve Bytyqi dhe gjithë heronjve të kombit tonë”, ka shkruar Veseli.