Mërgim Lushtaku më i votuari në Këshillin Drejtues të PDK-së në Skenderaj

Sami Lushtaku sot u rizgjodh kryetar i Degës së PDK-së në Skenderaj duke konfirmuar se është i “parrëzueshëm” në këtë komunë.


Por jo veç Samiu, por edhe biri i tij Mërgimi që është deputet konfirmohet se ka përkrahje të jashtëzakonshme në komunën nga vjen.

Në Kuvendin e Degës, me votim të fshehtë delegatët sot kanë zgjedhur edhe Këshillin Drejtues të PDK-së në Skenderaj, ku Mërgim Lushtaku ka dalë më i votuari, shkruan Reporteri.net.

Këtë e ka konfirmuar vet ai përmes një postimi në Facebook.

“Sot delegatët në Kuvendin e Degës, me votim të fshehtë kanë zgjedhur edhe Këshillin Drejtues të PDK-së në Skenderaj në përbërje prej 71 anëtarë. Faleminderit të gjithë delegatëve për besimin e tyre që më kanë votuar e besuar duke më nxjerrë si më të votuarin në këtë garë”, shkruan Mërgimi. /Reporteri.net/.