PS-UP kërkon largimin e qenve nga hapësirat e UP-së

Paqja Studentore e Universitetit të Prishtinës (PS-UP), shprehet e shqetësuar për rastin e studentit Valdrin Januzi, i cili para pak ditësh u sulmua nga qentë dhe kërkon nga Komuna e Prishtinës të ndërmarrë masa dhe t’i largojë qentë nga hapësirat e universitetit, në mënyrë që të mos rrezikohet jeta e studentëve.

Rrezikimi i jetës së studentëve nga qentë në hapësirat e Universitetit të Prishtinës është problem i kahmotshëm dhe fatkeqësisht Valdrini nuk do të jetë studenti i fundit i lënduar, derisa ky problem të mos zgjidhet, thuhet në reagim.

 

“Duke vëzhguar këtë fenomen tash e një kohë të gjatë, PS-UP kërkon nga Rektorati i Universitetit të Prishtinës rrethimin e Kampusit Universitar, për t’u shmangur probleme të tilla. Me këtë kërkesë organizata vitin e kaluar i ishte drejtuar Parlamentit Studentor, por një gjë e tillë nuk është marrë parasysh. Urojmë që ky problem të zgjidhet një herë e përgjithmonë, ndërsa studentit i dëshirojmë shërim të shpejtë”, përfundon reagimi i PS-UP-së.