Kushti i Icardit për të nënshkruar kontratë të re me Interin

Gruaja e Mauro Icardit, e cila njëherit është edhe agjentja e tij, raportohet t’i ketë kërkuar Interit nëntë milionë euro në sezon për nënshkrimin e kontratës së re të sulmuesit argjentinas.

Icardi i cili është kapiten i Interit, ka një klauzolë lirimi prej 110 milionë euro, e cila është e vlefshme në dy javët e para të korrikut.

Inter dëshiron që të largojë atë klauzolë, por deri më tani nuk ka pasur bisedime të frytshme me sulmuesin për vazhdimin e kontratës.

Sipas ‘Corriere della Sera’, Wanda i ka kërkuar Interit nëntë milionë euro në sezon për Icardin, për të larguar klauzolën.

Me nëntë milionë euro, Icardi do të dyfishonte pagën aktuale te Inter, dhe do bë bëhej një nga lojtarët më të paguar në Serie A.

Icardi që padyshim është lojtari kryesor te Inter, po kërkohet nga Real Madrid, për të zëvendësuar Karim Benzeman.