Qalaj: Policët nuk do të rrinë në kafe dhe nuk do të shkojnë në kisha e xhamia

Lajme12.09.2018 20:04

Në emisionin Frontal të Televizionit 7, drejtori i ri i Policisë së Kosovës, Reshat Qalaj, ka thënë se ai do të vë disiplinë në Polici.

Qalaj thotë se gjatë orarit të punës nuk do të qëndrojnë nëpër kafiteri.


“Dua të mbahem mend për diciplinën që do ta sjellë në Policinë e Kosovës. Asnjë polic të mos qëndroj në kafiterisë”, ka thënë Qalaj.


Ai thotë se gjatë orarit të punës një polic mund të shihet në kafiteri vetëm pasi të marrë leje paraprake, nëse ai ka ndonjë takim pune që duhet ta zhvillojë në ndonjë nga kafiteritë.


Po ashtu, Qalaj ka thënë se problem tjetër është shkuarja e policëve në kisha e xhamia.


Ai thotë se nuk ka rregull që e ndalon shkuarjen në objekte fetare për lutje gjatë orarit të punës, megjithatë kjo sipas Qalajt nuk është e dëshirueshme, pasi nuk mund të jenë plotësisht në krye të detyrës. 

Republika Plus